ស្អាតណាស់! កញ្ញា នី មុនីនាថ គ្រងឈុតបង្កើតថ្មី យកលំនាំតាមចម្លាក់ទេពអប្សរានៃប្រាង្គប្រាសាទអង្គរវត្ត

ភ្នំពេញ៖ តារាសម្តែង និងជាពិធីការិនី កញ្ញា នី មុនីនាថ ដែលជាតារាដ៏ល្បីល្បាញម្នាក់ ក្នុងវិស័យខ្សែភាពយន្ត ខ្នាតធំជាច្រើន ដោយភាគច្រើន គឺនាងសម្ដែងជា តួអង្គទឹកភ្នែកគួរឲ្យអាណិត។ តារាស្រីរូបនេះ ត្រូវបានគេចាត់ទុកថាជាតារាស្រីមួយដួង ដែលអាចឡើងកូដកាន់តែឡើង និងក្តាប់បានតំណែងតួឯកស្រី ស្ទើរគ្រប់រឿង ក្រៅពី​ការ​សម្តែង​ដ៏​ប៉ិនប្រសប់​ ​នី​ ​មុនី​នាថ​ ​ក៏​ត្រូវ​បាន​មហាជន​ចាត់ទុកជា​តារា​ស្រី​ដែល​មាន​រូបរាង​មុខមាត់​ស្រស់​ស្អាត​ផង​ដែរ​ ​ជាពិសេស​នៅពេល​នាង​បាន​គ្រង​ជាមួយ​ឈុត​ដ៏​ទាក់​ទាញ​ផ្សេង​ៗ​ទៀត​នោះ​ ​កាន់តែ​ធ្វើ​ឱ្យ​តារា​ស្រី​រូប​នេះ​លេចធ្លោ​ខ្លាំង​គួរ​ឱ្យ​កត់សម្គាល់​ ​។​​

យ៉ាងណាមិញ ស្រាប់តែថ្មីៗនេះគេឃើញ កញ្ញា នី មុនីនាថ គ្រងឈុតបង្កើតថ្មីដោយប្រសិទ្ធិនាមហៅតាមភាសាក្បាច់ថា “ទេពអប្សរាលំអរកេសាផ្កាចក” ដែលរចនាដោយលោក បុត្រាមហាអាត Botramohar Art ដោយផ្អែកទៅលើចម្លាក់ទេពអប្សរានៃប្រាង្គប្រាសាទអង្គរវត្ត ។ទេពអប្សរាគឺជាស្រីទេពអប្សរមានដេីមកំណេីតពីការកូរសមុទ្រទឹកដោះរវាងពពួកទេវតា និងអសុរៈ ដែលមានមានសម្រស់ ព្រមទាំងកិត្តិយសដ៏ខ្ពង់ខ្ពស់តំណាងអោយស្រ្តីខ្មែរទាំងពួង។

បុព្វបុរសដូនតាខ្មែរលោកបានឆ្លាក់ជាប់នឹងប្រាង្គប្រាសាទអង្គរ មានចំនួនទៅដល់១៧៣៧ ដែលទេពអប្សរាទាំងនោះគ្រងលំអរទៅដោយគ្រឿងតែងព្រះកាយ និងការតុបតែងកេសាផ្សេងៗគ្នាជាមួយមកុដ ក៏ដូចជាផ្កាភ្ញីជាច្រេីន ។ មកទល់បច្ចុប្បន្ន អប្សរាទាំងអស់ពោរពេញទៅដោយប្រជាប្រិយភាពក្នុងការទស្សនា និងស្វែងយល់យ៉ាងក្រៃលែង។

ដោយឡែក ក៏មានទេពអប្សរាខ្លះនៅទីខ្ពស់ ឬកាច់ជ្រុងកន្លៀតនៃប្រាង្គប្រាសាទអង្គរដែលធ្វេីអោយអ្នកទស្សនាខ្លះមិនទាន់បានគយគន់បានច្រេីន។ យើងខ្ញុំបាននមូលមតិគ្នាសាកល្បងបង្កេីតថ្មី ហេីយសូមឧទ្ទិសថ្វាយដល់ទេពអប្សរាដោយប្រសិទ្ធិនាមហៅតាមភាសាក្បាច់ថា “ទេពអប្សរាលំអរកេសាផ្ការំដួល(ផ្កាបិណ្យ)” ដែលមានលំអរព្រះកាយជាមួយគ្រឿងប្រដាប់ពីទម្រង់របាំក្បាច់បុរាណខ្មែរ។

បើ​ងាក​ទៅ​មើល​តារា​សម្តែង​ ​នី​ ​មុនី​នាថ​ ​ក្នុង​ឈុត​បុរាណ​ទាំងពីរ​នេះ​ ​ពិតជា​បាន​បង្ហាញ​ឱ្យ​ឃើញ​ពី​រូប​សម្រស់​ប្លែក​ថ្មី​មួយ​បែប​ទៀត​របស់​នាង​ ​រហូតដល់​មាន​អ្នកគាំទ្រជាច្រើន​លើក​សរសើរ​មិន​ដាច់​ពី​មាត់ថា ពិតជាស្រស់ស្អាតខ្លាំងណាស់​ ​។​